Novaja Toyota Corolla. Niečakana i pryjemna…!
26.10.2016 / 07:44
«Tajota Centr Minsk» prezientuje novaje pakaleńnie suśvietnaha biestsielera — Toyota Corolla. Hety siedan uvasablaje ideał sučasnaha haradskoha aŭtamabila: stylovy dyzajn, prastorny i kamfartabielny sałon, pieradavyja technałohii, adaptacyja da składanych umovaŭ ekspłuatacyi, paŭnavartasnaja 3-hadovaja harantyja, nizkija ekspłuatacyjnyja vydatki, lehiendarnaja japonskaja nadziejnaść, pryvabny košt i vysoki reštkavy košt. Dalej — tolki fakty!
Vyhada siońnia i ŭ budučyni
Novaja Toyota Corolla ŭžo pradstaŭlena ŭ aŭtacentry «Tajota Centr Minsk» i dastupnaja dla test-drajvu. Prajs-list na novuju madel pačynajecca ad 29 419 BYN (294,19 młn rub.). Jak i lubuju madel Toyota, pradstaŭlenuju ŭ Biełarusi, novuju Corolla možna nabyć u lizinh na vielmi vyhadnych umovach: minimalny pamier avansavaha płaciažu — 20% ad cany nabytaha aŭtamabila, rasterminoŭka da 5 hadoŭ. Akramia taho, da kanca kastryčnika 2016 hoda «Tajota Centr Minsk» daryć źnižku na lubuju kamplektacyju Toyota Corolla ŭ pamiery 2 475 BYN (24,75 młn rub.).
Pryvabnyja ŭmovy nabyćcia novaha aŭtamabila — tolki pałova spravy. Nie mienš važna, kab aŭtamabil «trymaŭ canu» da taho momantu, kali pryjdzie čas znoŭ źmianiać jaho na novy. U hetym sensie aŭtamabili Toyota — adny z samych vyhadnych! Rasijskaje analityčnaje ahienctva «Avtostat» vyvučyła ceny na dziasiatki tysiač aŭtamabilaŭ 50 brendaŭ, realizavanych u Rasii ad 2012 da 2015 hoda, i vyśvietliła: adrazu 6 madelaŭ Toyota ŭvajšli ŭ TOP-3 rejtynhu aŭtamabilaŭ z samym vysokim reštkavym koštam. Pryčym try ź ich — Camry, Hilux i Land Cruiser Prado — zaniali pieršyja radki ŭ svaich siehmientach ź vialikim adryvam ad najbližejšych kankurentaŭ, a Corolla stała adnym ź lidaraŭ u svaim kłasie, zachavaŭšy pa zakančeńni troch hadoŭ 79% ad svajoj pieršapačatkovaj cany.
Suśvietny biestsieler
Toyota Corolla — nie tolki samaja papularnaja madel japonskaha vytvorcy, ale i samy pradavany aŭtamabil u śviecie! Na siońniašni dzień hłabalnyja prodažy Corolla pieraadoleli fantastyčnuju adznaku ŭ 43 miljony aŭtamabilaŭ. Novaja Toyota Corolla, jakaja vyjazdžaje na darohi płaniety ŭ hod svajho 50-hadovaha jubileju, prapanuje pakupnikam značna bolš, čym pryniata čakać ad madelaŭ siaredniaha kłasa.
Stylovy dyzajn
Novaja Toyota Corolla maje jarkuju zapaminalnuju źniešnaść. Ahresiŭny dyzajn rašotki radyjatara idealna spałučajecca z reljefnym siłuetam kłasičnaha siedana. Źviarnicie ŭvahu: novaja Toyota Corolla — adzinaja madel u svaim kłasie, abstalavanaja całkam śviatłodyjodnaj optykaj. Z vykarystańniem prahresiŭnych LED-technałohij zroblenyja nie tolki dzionnyja chadavyja ahni i zadnija lichtary, ale i fary blizkaha i dalokaha śviatła! Raniej takoje spałučeńnie było dastupna tolki dla raskošnych madelaŭ premium-siehmienta.
Prastorny i kamfartabielny sałon
Novaja Corolla zasłužana ličycca adnym z samych jomistych siedanaŭ u svaim kłasie. Da prykładu, adlehłaść pamiž piarednimi i zadnimi siadzieńniami składaje 959 mm, a absalutna roŭnaja padłoha ŭ zadniaj častcy sałona dazvalaje z kamfortam raźmiaścić troch darosłych pasažyraŭ. I nie budziem zabyvać pra praktyčny bahažnik abjomam u 452 litry sa zručnymi haplikami dla torbaŭ.
Raskoša i cišynia
Dastatkova adnaho pohladu, kab acanić vysokuju jakaść azdableńnia interjeru novaj Toyota Corolla. Pryjemnyja navobmacak materyjały idealna spałučajucca z vytančanymi akcentami: hlancavaj akantoŭkaj multymiedyjnaj sistemy, sierabrystymi elemientami pad «matavy chrom» i efiektnaj fonavaj padśvietkaj sałona. Novaja Corolla atrymała całkam madernizavanuju panel pryboraŭ z 4,2-calevym kalarovym dysplejem, erhanamičnaje rulavoje koła i novy stylovy błok klimat-kantrolu. A jašče Corolla stała zaŭvažna cišejšaj na chadzie — dziakujučy dadatkovaj šumaizalacyi matornaha adsieka i kołavych arak!
Adaptacyja da składanych umovaŭ ekspłuatacyi
Novaja Toyota Corolla maksimalna adaptavanaja da miascovych realij. Darožny praśviet składaje značnyja 150 mm. Akramia taho, inžyniery Toyota madernizavali šasi (novyja spružyny i amartyzatary, bolš žorstkija sajlentbłoki, novaja naładka elektraŭzmacnialnika) — tak što zaraz Corolla doryć jašče bolš kamfortu na raźbitych darohach i jašče bolš zadavalnieńnia ad dynamičnaha kiravańnia. Akramia taho, novaja Toyota Corolla hatovaja da samych surovych marazoŭ: novy «zimovy pakiet» uklučaje ŭ siabie padahreŭ rula, lusterkaŭ zadniaha vidu, piarednich siadzieńniaŭ i łabavoha škła.
Dynamika i ekanamičnaść
Ruchaviki novaj Toyota Corolla dobra viadomyja svajoj nadziejnaściu i niepieraborlivaściu. Bienzinavyja atmaśfiernyja ruchaviki 1,33 (99 k.s.) i 1,6 (122 k.s.) ź sistemaj Dual VVT-i standartna kampanujucca z sučasnaj 6-stupienievaj «miechanikaj». Novaja Toyota Corolla 1,33 razhaniajecca z 0 da 100 km/h za 12.6 siekundy, raźvivaje180 km/h i raschoduje ŭ haradskim cykle usiaho 7,2 litra paliva na 100 km. Zrešty, biełaruskija aŭtaamatary addajuć pieravahu bolš mahutnamu 1,6-litrovamu ahrehatu: razhon ź miesca da 100 km/h usiaho za 10,5 siekundy i maksimalnyja 195 km/h. Dla ruchavika 1,6 dastupnaja i nadziejnaja aŭtamatyčnaja tranśmisija Multidrive S. U śpisie jaje stanoŭčych jakaściaŭ: šyroki dyjapazon pieradatkavych adnosin, płyŭnaja i chutkaja praca i vydatnaja ekanamičnaść. Corolla z varyjataram raschoduje ŭsiaho 8,2 litra na 100 km u haradskim cykle — mienš, čym takaja ž viersija na «miechanicy»!
Bahataje abstalavańnie
U bazavuju kamplektacyju Toyota Corolla ŭvachodziać kandycyjanier, abahravańnie piarednich siadzieńniaŭ, bakavyja lusterki z elektrapryvadam i abahravańniem, piarednija elektraškłopadjomniki, multyfunkcyjanalnaje rulavoje koła, frantalnyja paduški biaśpieki, antybłakirovačnaja sistema tarmazoŭ (ABS) ź sistemaj raźmierkavańnia tarmaznoha vysiłka (EBD), uzmacnialnik ekstranaha tarmažeńnia (BAC), a taksama piarednija siadzieńni, vykananyja pa technałohii WIL, jakaja źnižaje vierahodnaść traŭmy šyi pry sutyknieńni.
U zaležnaści ad abranaj viersii novaja Toyota Corolla budzie dadatkova abstalavanaja litymi dyskami, dvuchzonavym klimat-kantrolem, aŭdyjosistemaj CD/MP3/WMA z USB i AUX-raźjomami i padtrymkaj Bluetooth, šaściu paduškami biaśpieki, sistemaj kursavoj ustojlivaści (VSC) i dapamohi pry ŭzdymie pa schile (HAC), piarednimi i zadnimi datčykami parkoŭki ŭ spałučeńni z kamieraj zadniaha vidu, datčykami daždžu i śviatła, sistemaj biezklučavoha dostupu i zapusku ruchavika knopkaj i raskošnaj multymiedyjnaj sistemaj Toyota Touch® 2 z 7-calevym kalarovym sensarnym dysplejem.
Vybierycie svaju novuju Toyota Corolla ŭžo siońnia ŭ aŭtacentry «Tajota Centr Minsk»!
TAA «PrajmVebHrupp» UNP 192148761