U Homieli kiroŭca «Sieata» źbiŭ na tratuary dvuch piešachodaŭ

28.10.2016 / 19:34

U Homieli 26-hadovy kiroŭca «Sieata-Taleda» źbiŭ na tratuary dvuch piešachodaŭ.

Darožna-transpartnaje zdareńnie adbyłosia 27 kastryčnika prykładna ŭ 18.30 na skryžavańni vulic Savieckaja i Rahačoŭskaja. Vadziciel «Sieata» vyjechaŭ na čyrvony sihnał śviatłafora i sutyknuŭsia z aŭtamabilem «Subaru-Forester», jakim kiravaŭ 24-hadovy vadziciel. Paśla sutyknieńnia «Sieat» zaniesła, jon zajechaŭ na tratuar, dzie ździejśniŭ najezd na piešachodaŭ, 27-hadovuju žančynu i 31-hadovaha mužčynu.

Jak paviedamili va UDAI UUS Homielskaha abłvykankama, u vyniku DTZ mužčyna atrymaŭ cialesnyja paškodžańni i špitalizavany. Žančyna dastaŭlenaja ŭ balnicu chutkaj miedycynskaj dapamohi. Paśla ahladu i akazańnia pieršaj mieddapamohi jana była adpuščanaja damoŭ.

BiełaPAN