«Blin, što za łuchta?» Apublikavanaja rasšyfroŭka pieramoŭ piłotaŭ «Biełavija» z ukrainskim dyśpietčaram
01.11.2016 / 09:16
Ukrainski bok da hetaha času nijak nie adreahavaŭ na notu pratestu, jakuju biełaruskaje MZS uručyła časovamu pavieranamu ŭ spravach susiedniaj krainy paśla incydentu z samalotam «Biełavija» 21 kastryčnika. Jak i abiacali ŭ MZS Biełarusi, u vypadku praciahłaha maŭčańnia budzie apublikavanaja rasšyfroŭka pieramoŭ rejsa «Biełavija» z ukrainskim dyśpietčaram. Tekst rasšyfroŭki źjaviŭsia na BiełTA.
Fota Dźmitryja Bruško
Samalot «Biełavija» ŭźlacieŭ z aeradroma «Žulany» 21 kastryčnika ŭ 15.25. Bortpravadnik na troch movach (biełaruskaj, ruskaj i anhlijskaj) zrabiŭ standartnuju abviestku:
«Pavažanyja pasažyry! Praź niekalki chvilin vam buduć prapanavanyja haračyja i achaładžalnyja napoi, a taksama lohkaja zakuska. Kali łaska, pryviadzicie śpinki kresłaŭ u viertykalnaje stanovišča. Padrychtujcie stoliki. Dziakuj za ŭvahu».
Amal adnačasova piłot pačuŭ hołas ź ziamli, dyśpietčar UUS «Kijeŭ-Radar», jaki zabiaśpiečvaje palot.
Dyśpietčar: — Biełavija-840, Kijeŭ-Radar.
Piłot: — Słuchaju.
Dyśpietčar: — Biełavija-840, pastupiła ŭkazańnie: vam treba, nieabchodna viarnucca na aeradrom vyletu «Žulany». Za nievykanańnie budzie padniataja bajavaja avijacyja na pierachop.
Piłot: — A što zdaryłasia takoje?
Dyśpietčar: — U efir nie mahu pieradać. Pa prybyćci ŭsio daviedajeciesia.
Piłot: — Nie zrazumieŭ, heta chto vam pieradaŭ?
Nie atrymaŭšy adkazu, piłot dubluje pytańnie: — Biełavija-840, chto infarmacyju pieradaŭ?
Dyśpietčar: — Biełavija-840 — «Ukraeracentr».
Piłot: — A pryčyna jakaja?
Dyśpietčar: — Ja atrymaŭ ukazańnie viarnuć vas na aeradrom vyletu.
Piłot: — «Žulany», tak?
Dyśpietčar: — Tak, «Žulany».
Piłot: — Dobra. Viartajemsia.
Dalej u rasšyfroŭcy pryvodziacca razmovy ekipaža ŭ kabinie samalota.
— Što za jerunda?
— Łuchta niejkaja!
— «Biełavija-840». Jašče raz udakładnicie pryčynu. Tut niejkaja pamyłka, niezrazumieła naohuł, ź jakoj pryčyny.
— Belavia eight four zero, turn left, height is one eight zero … follows in Zhuliany runway zero eight.
ATS (aeranavihacyjnaja infarmacyja i kiravańnie):
— Heading one eight zero for left zero eight Belavia s seven eight four zero.
Piłot:
— Pipiec, blin!
ATS:
— Belavia eight four zero descent for at level one one zero.
Piłot:
— Descent for one one zero eight four zero.
— Check.
Pieramovy ŭnutry kabiny praciahvajucca.
— B …, nie paśpieli syści, a! Pieršy raz takoje hłupstva!
— Łuchta niejkaja naohuł, blin!
— Ułasna, mahli b užo syści … nierazborliva … avijacyja my ŭžo «łazdu» prachodzim.
Piłot znoŭ sprabuje ŭdakładnić u dyśpietčara, u čym pryčyna.
Piłot:
— Belavia eight four zero. Jašče raz udakładnicie, što za pryčyna, niezrazumieła naohuł.
Dyśpietčar:
— Belavia eight four zero, udakładniajem, zaraz … nierazborliva.
Piłot:
— Tut niejkaja pamyłka, my ŭžo na dva Zet, ułasna my nad Biełaruśsiu.
Piłoty znoŭ abmiarkoŭvajuć pamiž saboj situacyju (pieramovy ŭnutry kabiny).
— Zaraz zabłytajem samalot. Pačakaj, pakul nie staŭ.
— Blin, my b syšli ŭžo, blin. Kali b my viedali, viadoma. Nie, nu pierasiekli ŭžo ŭsiu, jany ŭžo … nierazborliva … my niedastupnyja.
— Niejkaje hłupstva, blin!
— Jaki kurs skazaŭ? 180, tak?
— Moža, pamiž vajakami niejkaja tam pieraturbacyja, moža, niešta jašče, blin.
— Ci niechta, niejki pasažyr ŭ nas tam, jaki-niebudź, chutčej za ŭsio, blin, nu, chutčej za ŭsio, z-za pasažyra ci niešta ŭ bahažy.
Najbolš vierahodna, zatym adbyvajucca pieramovy sa starejšym bortpravadnikom:
— Nu, pakul sami ničoha nie viedajem.
— Dy nie viedaju.
ATS:
— Belavia eight four zero do you need hold pattern for descent?
piłoty:
— A (praciahłaje), pryčynu ŭdakładnili? Biełavija vosiem čatyry nul.
— Pastaŭ Kijeŭ.
Dyśpietčar znoŭ vychodzić na suviaź:
— «Biełavija-840», Kijeŭ—Radar.
Piłot:
— Tak.
Dyśpietčar:
— «Biełavija-840», kaža kiraŭnik palotaŭ. Infarmacyja ab vašym viartańni na aeradrom Žulany pastupiła ad VAJSKOVAHA KIRAŬNICTVA. Dakład bolš detalovy vam skažuć paśla pasadki.
Piłot:
— Zrazumieła, viartajemsia.
Dyśpietčar:
— «Biełavija-840», mianie cikavić infarmacyja ab kolkaści pasažyraŭ i raźlikovy čas pasadki.
Piłot:
— Ciapier my ŭsio ŭdakładnim.
Pieramovy ŭnutry kabiny:
— Davaj interceptary. Akuratna, pavoli.
— Nu zachodź.
Najbolš vierahodna, pieramovy sa starejšym bortpravadnikom.
— Viartajemsia ŭ Žulany. Nu nie viedaju, skazali viarnucca.
— Pa techničnych pryčynach, ja zaraz skažu paźniej.
— Kolki ŭ nas pasažyraŭ?
— Pasažyraŭ 136, raźličany prykładna paŭsotni vosiem chvilin.
Dyśpietčar:
— «Biełavija-840», pryniaŭ. Dziakuj. Źnižacca. Vyšynia šeść tysiač futaŭ. Ešałon pierachodu sto dziesiaty QNH adzin nul dva dzieviać.
Piłot:
— Šeść tysiač, adzin nul dva dzieviać, źnižajecca. Dzieviać … vosiem čatyry nul, na kursie sto vosiemdziasiat.
***
Dalej u rasšyfroŭcy pryvodziacca razmovy ekipaža ŭnutry mašyny, piłoty vykazvajuć zdahadki ab pryčynach PP — ad niebiaśpiečnaj zakładki ŭ bahažy i da kanfliktu pamiž vajskoŭcami.
Znoŭ dyśpietčar: — Biełavija-840, Kijeŭ-Radar.
Piłot: - Tak. Dyśpietčar: - Biełavija-840, kaža kiraŭnik palotaŭ. Infarmacyja ab vašym viartańni na aeradrom «Žulany» pastupiła ad vajennaha kiraŭnictva. Dakład bolš detalovy vam skažuć paśla pasadki.
Piłot: - Zrazumieła. Viartajemsia.
Nahadajem, samalot «Boinh 737-800» (bartavy numar EW-456PA) avijakampanii «Biełavija», jaki vykonvaŭ rejs V2-840 pa maršrucie «Žulany» (Kijeŭ) - Minsk, 21 kastryčnika 2016 hoda byŭ viernuty ŭ aeraport vyletu pa patrabavańni Słužby biaśpieki Ukrainy. Ekipažu było zajaŭlena, što ŭ vypadku nievykanańnia kamandy ŭ pavietra buduć padniatyja źniščalniki.
Paśla pasadki pravaachoŭnyja orhany Ukrainy źniali z rejsa pasažyra, hramadzianina Armienii. Paśla jaho adpuścili, i jon palacieŭ u Biełaruś nastupnym rejsam. MZS Biełarusi ŭ suviazi ź incydentam zajaviła pratest i ŭručyła notu Ukrainie ŭ suviazi z prymusovaj pasadkaj u Kijevie biełaruskaha łajniera. U SBU kateharyčna abviarhali infarmacyju pra toje, što rejs «Biełavija» viarnuli ŭ Kijeŭ, pahražajučy padniać źniščalniki. Paśla taho jak pradstaŭniki biełaruskaha avijapieravozčyka paabiacali apublikavać pieramovy dyśpietčara «Ukraerarucha» z ekipažam samalota, rytoryka viedamstva źmianiłasia.