Sielski baciuška znajšoŭ u vadajomie kala carkvy trup žančyny

01.11.2016 / 11:13

U Baranavickim rajonie sielski baciuška vyjaviŭ u vadajomie kala carkvy trup patanułaj žančyny, paviedamiŭ načalnik adździaleńnia infarmacyi i hramadskich suviaziaŭ UUS Bresckaha abłvykankama Siarhiej Dučenka.

Vypadak adbyŭsia ŭ vioscy Pałonka viečaram 30 kastryčnika. Pobač ź bieraham nastajaciel chrama ŭbačyŭ trup nieviadomaj žančyny i paviedamiŭ pra heta ŭ milicyju. Na miesca zdareńnia vyjechała śledča-apieratyŭnaja hrupa. Na praciahu sutak była vyznačanaja asoba zahinułaj. Joju akazałasia 80-hadovaja žycharka Hrodna.

Jak vyśvietliłasia, piensijanierka źjechała 21 kastryčnika ŭ baćkoŭski dom u Bresckuju vobłaść. Na suviaź z svajakami nie vychodziła, tamu jaje pošukami zanialisia supracoŭniki Leninskaha RAUS Hrodna. Na ciele patanułaj babuli prykmiet hvałtoŭnaj śmierci nie vyjaŭlena. Dakładnuju pryčynu jaje hibieli vyznačać śpiecyjalisty padčas sudova-miedycynskaj ekśpiertyzy.

BiełTA