Vybary nie pryznačanyja, a naziralniki ŭžo pracujuć
Biełaruś prademanstruje i Zachadu, i Rasii, jak treba pravodzić vybary. Piša Barys Tumar.
25.06.2008 / 11:49
24 červienia ŭ intervju haziecie "Komsomolskaja pravda" Alaksandr Łukašenka zajaviŭ: "My chočam prademanstravać i Zachadu, i Rasii, jak treba pravodzić vybary. My ich zrobim nastolki demakratyčnymi, što vy pierakanajeciesia ŭ realnym vyniku, kaho siońnia padtrymlivaje narod".
Jon adznačyŭ, što ŭ Biełarusi ŭžo pracujuć pieršyja mižnarodnyja nahladalniki, i nichto nie budzie pieraškadžać ich rabocie pry ŭmovie, što jany nie buduć parušać dziejučyja ŭ Biełarusi zakony.
Voś takaja jana, biełaruskaja demakratyja. Vybarčaja kampanija tolki startavała 24 červienia, tolki ŭkaz ab vybarach padpisany, a naziralniki ŭžo tut jak tut, pracujuć. Zaŭždy hatovyja, zaŭždy ŭ straju. Voś tolki chto jany,tyja naziralniki? Ź jakoha adździełu?