Žonku Erdahana ŭ Mastackim muziei supravadžała Ščotkina FOTA
11.11.2016 / 19:17
Pakul Alaksandr Łukašenka prymaŭ prezidenta Turcyi Redžepa Taipa Erdahana, pieršaja łedzi Turcyi naviedała Nacyjanalny mastacki muziej. Jak paviedamlajecca na sajcie ŭstanovy, padčas vizitu Emine Erdahan supravadžała eks-ministr pracy, a ciapier namieśnica staršyni Savieta Respubliki Maryjana Ščotkina.
Tut i nižej fota: artmuseum.by
Hiendyrektar muzieja Uładzimir Prakapcoŭ pakazaŭ hanarovaj hości z Turcyi pastajannuju ekspazicyju muzieja i časovyja vystavy.
U ŚMI paviedamlajecca, što na raźvitańnie žonka tureckaha prezidenta atrymała knihu z vyjavami karcinaŭ, vystaŭlenych u muziei. U adkaz Emine Erdahan padaryła Mastackamu muzieju karcinu tureckaha sučasnaha mastaka. Jana patłumačyła, što ciulpan na karcinie simvalizuje Asmanskuju impieryju.