У Гомелі затрымалі групу фальшываманетчыкаў
25.11.2016 / 21:21
Супрацоўнікі УУС Гомельскага аблвыканкама затрымалі ў Гомелі групу фальшываманетчыкаў, паведамляецца на сайце ведамства.
Затрыманыя трое жыхароў абласнога цэнтра, 22-гадовая дзяўчына і двое 37-гадовых мужчын. Падчас ператрусу ў іх выяўленыя і канфіскаваныя 42 фальшывыя банкноты наміналам Br10 кожная.
Факт падробкі грашовых купюр пацвердзіла і экспертыза. Купюры наміналам Br10 Нацыянальнага банка Рэспублікі Беларусь узору 2009 года выпуску выкананыя спосабам каляровы кропельна-струменевага друку.
Па месцы жыхарства аднаго з затрыманых канфіскаваны ноўтбук, прылада для друку каляровых малюнкаў, іншая камп'ютарная тэхніка. У гамяльчанкі канфіскаваны сістэмны блок камп'ютара.
Падазраваныя затрыманыя. У іх дачыненні распачатая крымінальная справа. У цяперашні час праводзіцца комплекс аператыўных і следчых мерапрыемстваў для высвятлення ўсіх прычын і абставін здзяйснення дадзенага злачынства.