Мінскі гандаль абяцае навагоднія зніжкі да 70%
01.12.2016 / 20:28
Зніжкі і распродажы да навагодніх святаў складуць у рознічным гандлі да 70%, паведаміў журналістам намеснік начальніка аддзела арганізацыі гандлю і грамадскага харчавання ГУСР Мінгарвыканкама Аляксандр Фралоў.
Паводле яго слоў, сталічныя крамы да калядных і навагодніх святаў прапануюць зніжкі і распрадажы на тавары шырокага асартыменту. Зніжэнне рознічных цэн на асобныя тавары будзе дасягаць 70%.
Ён таксама адзначыў, што да Новага года гандлёвым арганізацыям Мінска адгружана больш за 2,6 млн бутэлек.
У дні навагодніх свят больш за 990 прадуктовых і звыш 1 тыс. прамысловых магазінаў будуць працаваць з падоўжаным рэжымам. Ужо з 15 снежня прадуктовыя магазіны будуць працаваць да 22.00.
У Мінску ва ўсіх раёнах пройдуць шматлікія калядныя кірмашы. З 15 снежня па 1 студзеня «Калядны кiрмаш» у раёне Палаца спорту будзе працаваць з 12.00 да 20.00. У навагоднюю ноч работа будзе прадоўжана да 4.00. Агульнагарадскі кірмаш «Калядная зорка» адбудзецца 24 снежня з 10.00 да 20.00 каля Палаца спорту. На тэрыторыі Верхняга горада з 24 снежня па 7 студзеня можна будзе набыць глінтвейн, стравы беларускай кухні.