Viečaryna z nahody 30-hodździa tavarystva «Tutejšyja» — viečar, 14 śniežnia
14.12.2016 / 15:33
14 śniežnia ŭ Pałacy mastactvaŭ u Minsku (Kazłova, 3) adbudziecca jubilejnaja viečaryna słynnaha litaraturnaha abjadnańnia «Tutejšyja».
«Tutejšyja» — niezaležnaje abjadnańnie maładych litarataraŭ-nonkanfarmistaŭ, jakija akazvali ŭpłyŭ i na palityčnaje žyćcio krainy.
Było ŭtvoranaje ŭ 1987 z metaj «abaraniać svaje pravy, svaje pohlady i pierakanańni, supraćstajać žaleznaj hijerarchičnaj struktury Sajuzu piśmieńnikaŭ». Dziela lehalnaści farmalna ličyłasia, što tavarystva isnuje pry Sajuzie piśmieńnikaŭ Biełarusi. Tavarystva abjadnoŭvała blizu 80 siabraŭ. Aktyŭ składali: A.Bialacki, A.Hlobus, S.Dubaviec, V.Kazłova, S.Kavaloŭ, A.Sys, U.Ściapan, S.Šupa, P.Vasiučenka, M.Tałočka, M.Šajbak. Nia majučy šyrokaj mahčymaści publikavać svaje tvory ŭ aficyjnych vydavieckich strukturach, maładyja litaratary naładzili vypusk samvydavieckaha almanachu «Litaratura». Kab aśviatlać dziejnaść tavarystva, była stvoranaja samvydavieckaja hazeta «Kantrol».
Palityčnaja dziejnaść T. pačałasia ŭ 1987, kali abjadnańnie adnaviła (u formie schodu ludziej — mitynhu) staradaŭniuju biełaruskuju tradycyju dnia paminańnia pamierłych «Dziady». Tut upieršyniu złačynstvy stalinizmu byli nazvanyja hienacydam i złačynstvam suprać čałaviectva, byŭ začytany doŭhi śpis biełaruskich litarataraŭ, represavanych u hady tyranii. Paśla mitynhu ŭ presie razharnułasia kampanija pa ačarnieńni T., ich abvinavačvali ŭ fašyźmie i ekstremiźmie.
Vystupoŭcy
Barys Piatrovič, Aleś Arkuš, Ihar Babkoŭ, Aleś Bialacki, Siarhiej Dubaviec, Siarhiej Kavaloŭ, Hanna Kiślicyna, Maksim Klimkovič, Aleś Lipaj, Aleh Minkin, Uładzimir Niaklajeŭ, Juraś Paciupa, Ludka Silnova, Michaś Skobła.
Muzyčnyja pierapynki: Kasia Kamockaja i Valžyna Ciareščanka, Jedruś Akulin
Pačatak a 18:30. Uvachod volny.