FRS ZŠA padvysiła bazavuju staŭku
14.12.2016 / 22:26
Reuters.com
Kamitet pa apieracyjach na adkrytym rynku (FOMC) FRS ZŠA na pasiadžeńni 14 śniežnia pavysiŭ klučavuju staŭku da 0,5-0,75%, vynikaje z dadzienych na sajcie rehulatara. Rašeńnie adpaviadała čakańniam hłabalnaha finansavaha rynku.
Z kanca listapada inviestary ŭličvali ŭ kaciroŭkach amal 100-pracentnuju imaviernaść pavyšeńnia staŭki na fonie sieryi papiarednich zajaŭ FRS. Mienš čym za tydzień da prezidenckich vybaraŭ u ZŠA rehulatar paviedamiŭ, što padstavy dla ŭzmacnieńnia žorstkaści hrašova-kredytnaj palityki stanoviacca bolš rezonnymi, a 17 listapada kiraŭnik FRS Džaniet Jelen zajaviła, što staŭka budzie pavyšana «adnosna chutka».
Pa słovach apytanych RBK ekśpiertaŭ, ZŠA demanstrujuć dobryja makraekanamičnyja pakazčyki, u suviazi z čym u rehulatara było dastatkova padstaŭ dla pavyšeńnia staŭki. Pierahledžanyja dadzienyja pa roście VUP ZŠA za treci kvartał prademanstravali palapšeńnie da 3,2% u paraŭnańni z papiaredniaj acenkaj na ŭzroŭni 2,9% i, jak adznačaje hazieta Wall Street Journal, pieravysili čakańnia rynku na 0,2 p.p. Biespracoŭje ŭ listapadzie źniziłasia da minimumaŭ 2007 hoda.