У Іркуцкай вобласці праз атручванне «Глогам» увялі рэжым надзвычайнага становішча

У Іркуцкай вобласці, дзе ад атручвання канцэнтратам для ваннаў «Глог» загінулі больш за 50 чалавек, уведзены рэжым надзвычайнага становішча.

20.12.2016 / 09:59

Пра гэта абвясціў на пасяджэнні камісіі па НС губернатар рэгіёну Сяргей Леўчанка, паведамляе Meduza.

19 снежня адміністрацыя горада ўвяла на тэрыторыі Іркуцка рэжым надзвычайнага становішча.

20 снежня аб'яўлены ў Іркуцкай вобласці днём жалобы.