Terakt u Bierlinie: palicyja šukaje hramadzianina Tunisa

21.12.2016 / 14:31

Palicyja Bierlina šukaje hramadzianina Tunisa, asabistyja dakumienty jakoha znojdzieny ŭ kabinie hruzavika, jaki staŭ pryładaj teraktu na kaladnym bazary ŭ paniadziełak, paviedamlaje Dw.de.

Jak paviedamlajecca ŭ sieradu, padazravany vykarystaŭ roznyja imiony. Pavodle adnaho z dakumientaŭ, jaho zavuć Achmied A., u inšym značycca imia Anis A.

Pa dadzienych śledstva, čałaviek, jaki nakiravaŭ hruzavik na natoŭp ludziej na płoščy Brajtšajdpłac ŭ paniadziełak, 19 śniežnia, paranieny.

U kabinie aŭtamabila znojdzienyja ślady DNK mierkavanaha złačyncy.