Актывісты занеслі ў дзевяць РАУСаў «падзякі» за затрыманні. І іх зноў затрымалі
30.12.2016 / 21:13
Актывісты Вячаслаў Касінераў і Зміцер Паліенка на гэтым тыдні павіншавалі работнікаў Міністэрства ўнутраных спраў. Яны разнеслі па дзевяці РАУСам Мінска сваю «падзяку».
Затрымалі хлапцоў за ўвесь час два разы. У Першамайскім РАУСе перапісалі дадзеныя і адпусцілі праз паўгадзіны. А вось у Фрунзенскім РАУСе хлапцоў ужо чакалі. Іх гвалтоўна зацягнулі ў камеру, адабралі мабільны тэлефон, а размову запісвалі на відэа. Праз тры гадзіны хлопцаў вызвалілі.