Brania, bajnicy, poŭny pryvad — što ŭnutry MAZ-Bohdana dla ŭkrainskaj armii FOTA
19.01.2017 / 11:11
Ukrainskaja karparacyja «Bohdan» pačała źbirać biełaruskija MAZy va Ukrainie ŭ pačatku 2016 hoda. Paviedamlałasia, što hruzaviki buduć mieć padvojnaje pryznačeńnie — vajskovaje i cyvilnaje.
U apošnija dni va ŭkrainskim internecie źjaviłasia padrabiaznaje apisańnie Bohdan(MAZ)-6317 dla ŭkrainskaj armii.
Mašyna vykarystoŭvaje asnoŭnyja šasi MAZ-6317 — bartavoha paŭnapryvadnaha aŭtamabila padvyšanaj prachodnaści z kołavaj formułaj 6ch6.
Cyvilnuju kabinu MAZ nie vykarystoŭvajuć — zamiest jaje ŭstaloŭvajuć broniekabinu, jakaja abaraniaje ad strałkovaj zbroi, zdymajuć i emblemu MAZa — zamiest jaje staić simvał «Bohdana».
Na šasi staviać braniravany kunh taksama ŭkrainskaj vytvorčaści. Braniravanaja kapsuła z dnom u vyhladzie litary V dazvalaje značna źmienšyć straty ŭ vyniku padryvu na minie.
Bronielisty abaraniajuć baki.
Pa pierymietry kunha — bajnicy dla strałkovaj zbroi.
Ahulnaja vaha mašyny atrymlivajecca 25,15 ton, mahutnaść (rasijskaha) ruchavika JAMZ-238DJe2 — 330 k.s., tranśmisija — miechaničnaja. Maksimalnaja chutkaść na kołach 85 km/h.
Zajaŭlajecca, što ŭkrainskaja brania abaraniaje ekipaž ad abstrełu z 7.62 mm vintoŭki SVD i 5,45 mm patronaŭ padvyšanaj prabivalnaści 7N10 da aŭtamataŭ AK-74.