Asanž parušyŭ abiacańnie zdacca ZŠA paśla pamiłavańnia Čełsi Meninh

19.01.2017 / 09:32

Zasnavalnik WikiLeaks Džulijan Asanž nie budzie zdavacca ŭładam ZŠA paśla pamiłavańnia Čełsi Meninh, jakoje 17 studzienia padpisaŭ prezident Barak Abama.

Advakaty Asanža zajavili Associated Press, što toj kazaŭ ab nieadkładnym vyzvaleńni Meninh, a nie ab skaračeńni turemnaha terminu.

Ni pradstaŭnik WikiLeaks Bary Połak, ni advakat Asanža Mielinda Tejłar nie zmahli patłumačyć ahienctvu, kali mienavita toj kazaŭ ab «nieadkładnym» vyzvaleńni Meninh jak pra abaviazkovuju ŭmovu.

U svaim tvicie za piać dzion da ŭkaza Abamy WikiLeaks paŭtaryli abiacańnie, dadzienaje Asanžam jašče ŭ vieraśni 2016 hoda. Asanž zajaŭlaŭ, što pryjedzie ŭ ZŠA i, pa ŭsioj bačnaści, siadzie ŭ turmu, kali Meninh pamiłujuć.