U Rasii pradajuć aśviačonyja «pravasłaŭnyja» smartfony za $25 tysiač

Vychad kalekcyi darahich aparataŭ z bryljantavymi knopkami prymierkavali da Vadochryšča.

19.01.2017 / 11:38

Kampanija Gresso prezientavała kalekcyju smartfonaŭ z bryljantavymi knopkami, załatym pakryćciom i hraviroŭkaj kryža z nadpisam «Zbaŭ i ścieražy», jakija pierad prodažam aśvieciać u carkvie.

Dastaŭlać smartfony klijentam pačnuć u kancy miesiaca. Vychad darahoha aparata kampanija Gresso, jakaja śpiecyjalizujecca na smartfonach kłasa luks, prymierkavała da pravasłaŭnaha śviata Vadochryšča.

— My zapuskali kalekcyju zychodziačy z patreb patencyjnych klijentaŭ, pieršyja zamovy my ŭžo atrymlivajem, — patłumačyła dyrektar pa markietynhu.

33 vyrablenyja (u adpaviednaści z uzrostam Chrysta) smartfony z bryljantavymi knopkami za 25 tysiač dalaraŭ i jašče 988 (u adpaviednaści z hodam chryščeńnia Rusi) aparataŭ z załatymi knopkami za 6500 dalaraŭ.