Žychar Biarozaŭskaha rajona zahinuŭ pry narychtoŭcy draŭniny

19.01.2017 / 17:57

Pružanski rajonny adździeł Śledčaha kamiteta pravodzić pravierku pa fakcie hibieli žychara Biarozaŭskaha rajona pry narychtoŭcy draŭniny, paviedamiła BiełTA aficyjny pradstaŭnik USK pa Bresckaj vobłaści Maryna Drańkova.

Niaščasny vypadak adbyŭsia 18 studzienia ŭ lasnym masivie prykładna ŭ 15.30. Na 38-hadovaha mužčynu, jaki narychtoŭvaŭ draŭninu, upaŭ stvoł alešyny. Ustanoŭlena, što jon pracavaŭ u pryvatnaj arhanizacyi, adnak dadzienyja pracy ažyćciaŭlalisia ad imia indyvidualnaha pradprymalnika.

«Dla vyśviatleńnia ŭsich abstavin zdareńnia praviedzieny ahlad miesca zdareńnia, apytanyja vidavočcy, kanfiskavanaja adpaviednaja dakumientacyja, pryznačanaja sudova-miedycynskaja ekśpiertyza. Śladoŭ padpiłu na drevie, jakoje ŭpała, nie miełasia», — dadała aficyjny pradstaŭnik USK.