Handboł. Biełaruś upieršyniu ŭ historyi pieramahła Vienhryju i vyjšła ŭ płej-of čempijanatu śvietu

21.01.2017 / 14:05

Handbalisty zbornaj Biełarusi prabilisia ŭ 1/8 finału čempijanatu śvietu ŭ Francyi.

handball.by

U apošnim matčy papiaredniaj hrupy S biełarusy sustrakalisia z kamandaj Vienhryi i dabilisia pieramohi ź likam 27:25 (15:13). Svajo važkaje słova ŭ hetaj hulni skazali vopytnyja Ivan Broŭka i Barys Puchoŭski, jakija zakinuli pa 6 miačoŭ. Akramia ich, u biełaruskaj kamandy vyznačylisia Andrej Jurynok — 4, Dzianis Rutenka, Arciom Karalok, Viačasłaŭ Kuleš — pa 3, Siarhiej Šyłovič — 2.

Da hetaha padapiečnyja Juryja Šaŭcova abyhrali handbalistaŭ Saudaŭskaj Aravii — 29:26, a taksama prajhrali kamandam Čyli — 28:32, Charvatyi — 25:31 i Hiermanii — 25:31. Astatnija sustrečy 5-ha tura ŭ hetaj hrupie zaviaršylisia tak: Saudaŭskaja Aravija — Čyli - 26:25, Hiermanija — Charvatyja - 28:21. Padahulniajučaje stanovišča: Hiermanija — 10 ačkoŭ, Charvatyja — 8, Biełaruś — 4, Vienhryja — 4, Saudaŭskaja Aravija — 2, Čyli — 2. Na minułym čempijanacie śvietu ŭ Katary-2015 biełarusy nie zmahli vyjści ŭ płej-of, zaniaŭšy 18-je padahulniajučaje miesca.

Zbornaja Biełarusi 22 studzienia sustreniecca ŭ 1/8 finału z kamandaj Šviecyi. U hety ž dzień adbuducca jašče try pajadynki pieršaj stadyi płej-of: Danija — Vienhryja, Hiermanija — Katar, Charvatyja - Jehipiet. Siońnia prahrama 1/8 finału adkryjecca čatyrma sustrečami: Narviehija — Makiedonija, Francyja — Isłandyja, Rasija — Słavienija, Brazilija — Ispanija.

Matčy 1/8 finału adbuducca 21 i 22 studzienia, čverćfinały projduć 24 studzienia, paŭfinały — 26 i 27 studzienia, sustreča za bronzu — 28 studzienia, vyrašalny pajadynak za čempijonski tytuł adbudziecca 29 studzienia ŭ Paryžy.

BiełTA