Ва ўкраінскіх музеях з’явяцца экспанаты беларускіх добраахвотнікаў
02.02.2017 / 16:45
Ва Украіне распачынаецца праект па перадачы ў музеі, дзе ёсць экспазіцыі, прысвечаныя АТА, экспанатаў беларускіх добраахвотнікаў.
Арганізатарам праекта з’яўляецца Грамадскі сектар Атрада «Пагоня».
Першым музеем у межах ініцыятывы стаў Ковельскі гістарычны музей.
Беларускі добраахвотнік «Зубр» перадаў супрацоўнікам установы беларускі сцяг са сваім подпісам, а таксама свой шаўрон.
Плануецца, што экспазіцыя ў бліжэйшы час таксама дапоўніцца фотаздымкамі добраахвотніка з перадавой.
У далейшым у межах праекта экспанаты беларускіх добраахвотнікаў будуць перадавацца і ў іншыя музеі, дзе ёсць экспазіцыі, прысвечаныя АТА.