U Hrodnie ŭ haražy hareŭ redki dla Biełarusi Lincoln Mark VIII
03.02.2017 / 11:20
Viečaram 1 lutaha ŭ haražy ŭ Hrodnie zahareŭsia aŭtamabil Lincoln Mark VIII. Jak miarkujecca, pryčyna pažaru - razhiermietyzacyja paliŭnaj sistemy
- 22-hadovy hrodzieniec pastaviŭ svoj Lincoln 1993 hoda vypusku ŭ haraž. Kali zahłušyŭ mator, źviarnuŭ uvahu na połymia ŭ pravych dźviarach. Chłopiec pačaŭ tušyć uzharańnie padručnymi srodkami i śnieham, adnak paliva paciahnuła raspaŭsiudžvańnie ahniu pa haražy, — raspaviali ratavalniki.
Na dapamohu maładomu čałavieku pryjšli vidavočcy. Jany dapamahli vyšturchać Lincoln z haraža i źbivali połymia. Vartaŭnik haražnaha kaapieratyva vyklikaŭ ratavalnikaŭ i pabieh da miesca pažaru z vohnietušycielem. Rabotniki MNS likvidavali ŭzharańnie.
U vyniku pažaru ahoń paškodziŭ majomaść u haražy i lehkavy aŭtamabil. Asnoŭnaja pryčyna pažaru - niaspraŭnaść paliŭnaj sistemy aŭtamabila (razhiermietyzacyja paliŭnaj sistemy).