Ukraina hrazicca adklučyć «histeryčnyja» rasiejskija kanały
Nacrada pa pytańniach telebačańnia dy radioviaščańnia Ŭkrainy prystrašyła inšaziemnyja kanały, što ŭ vypadku praciahu praktyki spekulacyi na moŭnaj temie jana ŭzdymie pytańnie pra pravamiernaść prysutnaści takich telekanałaŭ u kabelnych telesietkach Ukrainy.
22.07.2008 / 14:12
Nacrada pa pytańniach telebačańnia dy radioviaščańnia Ŭkrainy prystrašyła inšaziemnyja kanały, što ŭ vypadku praciahu praktyki spekulacyi na moŭnaj temie jana ŭzdymie pytańnie pra pravamiernaść prysutnaści takich telekanałaŭ u kabelnych telesietkach Ukrainy.
Pavodle nacyjanalnaj rady, spekulacyi na moŭnaj temie «stalisia ci nie hałoŭnaj navinovaj temaj siužetaŭ niekatorych ŚMI».
«Asabliva hetym vyznačajecca RTR «Płanieta». Niepravieranaja, tendencyjnaja, a častka i adkryta pravakacyjnaja infarmacyja stanovicca normaj dla hetaha telekanału», — skazana ŭ zajavie.
«Pry aktyŭnaj dapamozie asobnych rasiejskich telekanałaŭ pašyrajucca absurdnyja ćvierdžańni pra toje, što Nacyjanalnaja rada vymahaje ad rasiejskich telekampanij, što pieradajuć svaje prahramy ŭ kabelnych telesietkach Ukrainy, pierakładu ich prahram na ŭkrainskuju movu», — viadziecca ŭ liście Nacrady.
Nacyjanalnaja rada infarmuje, što «ŭ vypadku praciahu dezinfarmavańnia hledačoŭ dy naŭmysnych spekulacyj na temach, što pravakujuć palityčnyja procistajańni, škodziać dobrasusiedzkim stasunkam Ukrainy j Rasiejskaj Federacyi», jana budzie vymušanaja razhledzieć pytańnie pra pravamiernaść prysutnaści takich zamiežnych telekanałaŭ u kabelnych telesietkach Ukrainy.