Міністэрства сувязі хоча абараніць беларусаў ад дакучлівай СМС-рэкламы
Савет міністраў падрыхтаваў праект рашэння.
14.02.2017 / 10:38
Калі дакумент будзе прыняты, то абанентам стане прасцей адмовіцца ад рэкламных рассылак. Адпаведныя змены ўнясуць у Правілы аказання паслуг электрасувязі.
Напрыклад, Мінсувязі прапануе адпраўляць рэкламныя СМС толькі з указаннем абаненцкага нумара або унікальнага ідэнтыфікацыйнага кода.
Акрамя таго, у праекце рашэння прапісана правіла, якое дазволіць абанентам адмовіцца ад рассылак, і аператар будзе абавязаны выканаць гэтае патрабаванне. Для гэтага трэба будзе пакінуць пісьмовую заяву.
Таксама ў дакуменце прапішуць тэхнічныя параметры, якія будуць вызначаць якасць паслуг, якія прадстаўляюцца мабільнымі аператарамі.
Са зместам дакумента можна азнаёміцца на сайце Міністэрства сувязі. Заўвагі да праекту можна дасылаць да 17 лютага.