На Сіцыліі пачалося вывяржэнне вулкана Этна ФОТА, ВІДЭА
28.02.2017 / 19:38
Ва ўсходняй частцы італьянскага вострава Сіцылія пачалося вывяржэнне вулкана Этна пасля васьмі месяцаў зацішша, паведамляе La Repubblica.
Reuters
Гіганцкія аранжавыя фантаны лавы можна ўбачыць з горада Катанія і курортнага горада Таарміна.
Паводле даных выдання, вывяржэнне Этны суправаджаецца выбухамі.
Паведамляецца, што попел можа парушыць бачнасць для пілотаў, аднак на дадзены момант аэрапорт Катанія застаецца адкрытым.
comunicazione.ingv.it
Як вядома, Этна — самы высокі і актыўны вулкан Еўропы. У мінулы раз вулкан вывяргаўся ў маі 2016 года.