Rasija abviaściła ŭsich biełaruskich «zładziejaŭ u zakonie» pažyćciovymi piersonami non hrata
02.03.2017 / 17:21
Sistema pravaachoŭnych orhanaŭ Rasii praciahvaje nastupać na arhanizavanuju złačynnaść i jaje pradstaŭnikoŭ — «zładziejaŭ u zakonie». Paśla hučnych aryštaŭ samych upłyvovych «zładziejaŭ u zakonie», jakija viaduć svaju dziejnaść u Rasii, MUS Rasii abviaściła ŭsich «zakońnikaŭ»-biełarusaŭ piersonami non hrata, pryčym da kanca ich dzion, piša crimerussia.com.
Viadoma, što radykalnaje rašeńnie ŭ dačynieńni da «tytułavanych» biełarusaŭ pryniaŭ asabista ministr MUS Rasii Uładzimir Kałakolcaŭ. Ab im biełaruskich «zakońnikaŭ» apaviaścili supracoŭniki HUUR MUS Rasii. Ciapier znachodžańnie «karanavanych» biełarusaŭ u Rasii ličycca niepažadanym, dla ich dziejničaje pažyćciovaja zabarona na ŭjezd u krainu.
«Zładziejaŭ u zakonie» ŭ Biełarusi niašmat, i bolšaść ź ich — «chreśnikami» skandalnaj dubajskaj «schodki». Heta Pavieł Aleksiajevič («Paštet»), Alaksandr Miadźviedzieŭ («Miedźviedziania»,) Aleh Hierasimovič («Mumu») i Rusłan Lebiedzieŭ («Lebiedź»). Tytuł usich čacviarych znachodzicca pad pytańniem.