U Biełarusi tolki na adnoj z 40 vakansij možna zarabić $500

02.03.2017 / 21:05

U Biełarusi 1,5% vakansij — z uzroŭniem zarabotnaj płaty zvyš za Br1065 u miesiac, a ŭ Minsku takich vakansij 2,9% ad ahulnaj kolkaści, paviedamili BIEŁTA va ŭpraŭleńni palityki zaniataści Ministerstva pracy i sacyjalnaj abarony.

Zychodziačy sa źviestak najmalnikaŭ, u respublicy na pačatak sakavika biahučaha hoda ŭdzielnaja vaha svabodnych rabočych miescaŭ z zarpłataj ad Br966 da Br1065 składała 0,8%, z zarpłataj ad Br866 da Br965 — 1,3%. Dola vakansij z zarpłataj ad Br766 da Br865 była 3%, ad Br666 da Br765 - 3,8%, ad Br566 da Br665 — 7,6%, ad Br466 da Br565 — 15%, ad Br366 da Br465 — 20%, ad Br266 da Br365 - 28,6%. U ministerstvie kanstatavali, što ŭ paraŭnańni z pačatkam studzienia biahučaha hoda struktura vakansij pa ŭzroŭni prapanujemaj zarabotnaj płaty niekalki palepšyłasia.

Prapanujucca i mahčymaści pryrabotku dla sumiaščalnikaŭ i tych, chto choča pracavać niapoŭny rabočy dzień. Takich vakansij naličvałasia na pačatak sakavika 18,5% ad ahulnaj kolkaści svabodnych rabočych miescaŭ — z apłataj pracy da Br265 (nižej za minimalnuju zarabotnuju płatu, ustanoŭlenuju Savietam Ministraŭ z 1 studzienia 2017 hoda).

Usiaho ŭ ahulnarespublikanskim banku vakansij źmieščana zvyš za 41,7 tysiač svabodnych rabočych miescaŭ.

Na infarmacyjnym partale dziaržsłužby zaniataści jość vakansii z davoli vysokaj zarabotnaj płataj. Tak, ZTAA ŭ Minsku šukaje dyrektara i prapanuje kandydatu na hetu pasadu zarpłatu Br7465 u miesiac. Niekalki dzion tamu źjaviłasia vakansija namieśnika dyrektara TAA ŭ stalicy — pretendent moža raźličvać na zarpłatu Br6328. Avijakampanija zacikaŭlena ŭ pryjomie na rabotu kamandzira (piłota, lotčyka) pavietranaha sudna z uzroŭniem apłaty Br6000. Kamiercyjnaj łahistyčnaj kampanii ŭ Smalavickim rajonie patrebny hiendyrektar — prapanujecca zarpłata Br5000.