Jurysty padkazali Mej, jak paźbiehnuć vypłaty €60 młrd za Brexit
04.03.2017 / 13:32
Premjer-ministr Vialikabrytanii Tereza Mej i Staršynia Jeŭrapiejskaj kamisii Žan-Kłod Junkier ŭ Bruseli ŭ kastryčniku 2016 h. Fota: Francois Lenoir / REUTERS
Jurysty urada Vialikabrytanii pryjšli da vysnovy, što Łondan jurydyčna nie abaviazany vypłačvać Jeŭrasajuzu €60 młrd pavodle raniej zaklučanych pahadnieńniaŭ, paśla Brexit, paviedamlaje hazieta The Times.
Jurysty pryjšli da vysnovy, što ŭ realnaści nie isnuje zakona abo damovy, jakaja moža prymusić Vialikabrytaniju vypłacić hetyja hrošy. Taki płaciož mahčymy, paličyli jany, tolki na padstavie pahadnieńnia ab urehulavańni, padpisanaha abodvuma bakami.
Jak miarkuje vydańnie, dziakujučy hetamu zaklučeńniu ekśpiertaŭ premjer-ministr Tereza Mej atrymaje dadatkovyja kozyry na pieramovach ab vychadzie ź ES, jakija pavinny nieŭzabavie pačacca.
Dahetul hazieta Financial Times daviedałasia, što aficyjny Bierlin padtrymlivaje płan Jeŭrakamisii nie pačynać pieramovy pa handlovych adnosinach ź Vialikabrytanijaj da taho, jak Vialikabrytanija nie voźmie na siabie abaviazacielstva vypłacić €60 młrd u biudžet błoka (heta finansavyja abaviazacielstvy ŭ jakaści dziaržavy — člena ES), a taksama dać harantyi z nahody pravoŭ hramadzian ES.