Papularnaha śpievaka Łui Tomlinsana zatrymali ŭ Łos-Andželesie za bojku z paparacy
Śpiavak najpapularniejšaha brytanska-irłandskaha boj-benda One Direction Łui Tomlinsan byŭ zatrymany i adpuščany pad zakład u Łos-Andželesie, paśla taho jak pabiŭsia z paparacy, pieradaje Bi-bi-si.
04.03.2017 / 22:23
Łui Tomlinsan i jaho siabroŭka, madel Eleanor Kołdier. Fota: GETTY
25-hadovy śpiavak prylacieŭ u Łos-Andželes sa svajoj siabroŭkaj, madellu Eleanor Kołder z Łas-Viehasa, dzie para adpačyvała. Pa słovach advakata, «paparacy spravakavali sutyčku z Łui». «Takoje zdarajecca nie ŭpieršyniu. Pakul praciahvałasia sutyčka z paparacy, try čałavieki napali na jaho dziaŭčynu, i jon pryjšoŭ joj na padmohu», — kaža advakat.
Ź miascovaha palicejskaha ŭčastka pop-vykanaŭcy adpuścili pad zakład u 20 tys. Dalaraŭ. Pasiadžeńnie suda z nahody incydentu pryznačana na 29 sakavika.
Pop-kvintet One Direction paŭstaŭ u 2010 hodzie na placoŭcy televizijnaha muzyčnaha šoŭ talentaŭ X Factor. Z tych časoŭ boj-bend vypuściŭ piać studyjnych albomaŭ, adrazu dabiŭšysia vielizarnaj papularnaści ŭ śviecie.
U 2015 hodzie ŭdzielnikaŭ zastałosia čaćviora. U 2016 hodzie tyja čaćviora, što zastalisia, abviaścili pra paŭzu ŭ dziejnaści One Direction. Kožny z vakalistaŭ zaniaŭsia ŭłasnymi prajektami.
U śniežni Łui Tomlinsan vypuściŭ pieršy solny sinhł. Pieśnia dabrałasia da druhoha miesca brytanskaha čarta. Ciapier jon pracuje nad debiutnym solnym albomam.