Viartańnie palityčnych aryštaŭ: anarchistaŭ, jakija ačolili «Marš niedarmajedaŭ», pasadzili na sutki
06.03.2017 / 20:12
U sudzie Leninskaha rajona Bresta siońnia razhladzieli administracyjnyja spravy zatrymanych 5 sakavika pradstaŭnikoŭ anarchisckaha ruchu. Chłopcaŭ zatrymali paśla aktyŭnaha ŭdziełu ŭ bresckim «Maršy niedarmajedaŭ».
Na Marš u Breście vyjšła bolš za tysiaču aburanych hramadzian. Fota Radyjo Svaboda
Paŭtara dziasiatka anarchistaŭ zdoleli pavieści za saboj astatnich udzielnikaŭ mitynhu. Milicyjanty pazabirali anarchistaŭ ź ich kvater uviečary paśla Marša. Noč chłopcy praviali ŭ IČU Leninskaha RAUSa.
Sud nad čatyrma aktyvistami prajšoŭ uviečary 6 sakavika.
Ich pryznali vinavatymi ŭ parušeńni zakona ab masavych mierapryjemstvach. Suddzia vyrašyŭ pakarać aktyvistaŭ administratyŭnym aryštam.
Rusłan Ch., Dźmitryj Ł. i Andrej Dz. byli asudžanyja na 5 sutak, Alaksandr K. — na 4.