BT: Žychar Homiela rychtavaŭ terakt padčas śviatkavańnia Dnia niezaležnaści ŭ 2014 hodzie
06.03.2017 / 22:56
U efiry «Biełaruś-1» z’iaŭviŭsia «Śpiecyjalny repartaž». Prahrama z’iaviłasia terminova, u raskładzie pieradač jaje nie było.
U adnym z momantaŭ pieradačy viadučy zajaviŭ, što pierad 3 lipienia 2014 hoda u Babrujsku byŭ zatrymany «anarchist Siarhiej Ramanaŭ», jaki nakiroŭvaŭsia ŭ Minsk na śviatkavańnie aficyjnaha Dnia niezaležnaści. U jaho zaplečniku nibyta znajšli 155 hramaŭ traciłu.
«Nieskładana ŭjavić, što b adbyłosia ŭ natoŭpie, kali b vybuchovoje rečyva było vykarystana pa svaim pramym pryznačeńni», — padsumavaŭ hołas za kadram.
Raniej ni pra jakija zatrymańni anarchista Ramanava siłaviki nie paviedamlali.
Siarhiej Ramanaŭ naradziŭsia ŭ 1994 hodzie ŭ Rasii. Žyvie ŭ Homieli. Raniej sudzimy za niezakonnyja apieracyi sa zbrojaj.