У Аўстраліі з'явіліся «жаночыя» святлафоры ФОТА
07.03.2017 / 17:39
На вуліцах Мельбурна з'явіліся «жаночыя» святлафоры, паведамляе The Telegraph.
Getty
Сёння, за дзень да Міжнароднага жаночага дня, у горадзе было ўстаноўлена 10 святлафораў з жаночымі абразкамі пешаходаў. Адзначаецца, што адбылося гэта для забеспячэння гендарнай роўнасці.
Ідэя ў тым, каб на святлафорах былі і мужчынскія, і жаночыя абразкі, каб «паменшыць несвядомую прадузятасць».
Меркаванні з нагоды новаўвядзення падзяліліся. Крытыкі праекту кажуць, што гэта «фемінізм у найгоршым сваім праяўленні» і сцвярджаюць, што выява «чалавека без сукенкі» зусім неабавязкова абазначае асобу мужчынскага полу.