Pamierła treciaja ź piaci paciarpiełych pry vybuchu na Skidzielskim cukrovym kambinacie
11.03.2017 / 21:10
11 sakavika ŭ Minsku pamierła treciaja paciarpiełaja ad vybuchu na Skidzielskim cukrovym kambinacie. Infarmacyju paćvierdzili na kambinacie. Žančynu paśla zdareńnia dastavili ŭ minskuju BCHMD. U balnicy zajavili, što nie mohuć kamientavać stan paciarpiełych.
Dniom raniej, 10 sakavika pamierła 51-hadovaja rabotnica kambinata, taksama jakaja atrymała surjoznyja apioki pry vybuchu. Jaje pryvieźli ŭ Minsk paśla zdareńnia. Na minułym tydni pamierła 44-hadovaja paciarpiełaja, jakaja prachodziła lačeńnie ŭ Hrodzienskaj BCHMD.
Raniej lekary raspaviadali, što stan dvuch pacyjentak, jakija prachodzili lačeńnie ŭ Hrodnie, ciažki. Žančyny byli ŭviedzieny ŭ stan miedykamientoznaj komy.