Minabarony Ukrainy: Z pačatku ATA zahinuli 2629 vajennych
20.03.2017 / 18:06
2629 vajskoŭcaŭ zahinuli z pačatku praviadzieńnia antyterarystyčnaj apieracyi. Takuju statystyku na bryfinhu 20 sakavika ahučyŭ śpikier Ministerstva abarony pa pytańniach ATA Andrej Łysienka, piša UP.
«Z pačatku antyterarystyčnaj apieracyi da siońniašniaha dnia ŭ vyniku bajavych dziejańniaŭ zahinuła 2629 voinaŭ. Ź ich — 2220 vajskoŭcaŭ Uzbrojenych sił Ukrainy, inšyja zahinułyja — z šerahaŭ Nacyjanalnaj hvardyi, MUS, Dziaržpahransłužby, SBU, Dziaržaŭnaj słužby pa nadzvyčajnych situacyjach», — paviedamiŭ pałkoŭnik.
«Taksama za hety čas 9453 čałavieki atrymali ranieńni ź ich 7664 — vajskoŭcy Uzbrojenych sił Ukrainy», — adznačyŭ Łysienka.