У Лідзе чакаюцца суды над Валерыем Мінцом і Вітольдам Ашурком
22.03.2017 / 11:13
Валерыя Мінца вінавацяць ва ўдзеле ў несанкцыянаванай акцыі 15 сакавіка ў Мінску.
Цяпер у будынку Лідскага раённага суда знаходзяцца ягоныя сябры. Адзін з іх паведаміў, што ў канцылярыі суду яму назвалі нават пакой, у якім будзе адбывацца працэс.
Лідскі актывіст Валеры Мінец неаднойчы браў удзел у мінскіх акцыях, у тым ліку і ў «Маршы недармаедаў».
Яго затрымалі ўчора супрацоўнікі ДАІ і даставілі ў РАУС, дзе пазьней на яго склалі пратакол, паводле якога Мінца вінавацяць ва ўдзеле ў несанкцыянаванай акцыі.
Сёння ж раніцай у Лідскі РАУС даставілі і актывіста зь Бярозаўкі Вітольда Ашурка.
Учора яму паведамілі, што маюць скласці пратакол за ўдзел у мінскім «Маршы недармаедаў»