Бацька Алеся Яўдахі паведаміў, што сын у СІЗА КДБ

22.03.2017 / 12:58

Фота Настассі Роўды

Бацька 41-гадовага Алеся Яўдахі Анатоль Мікалаевіч паведаміў Свабодзе, што цяпер займаецца афармленьнем дамовы з адвакатам.

Паводле інфармацыі бацькі, Алеся ўтрымліваюць у СІЗА КДБ, так званай «амерыканцы»; людзі, якія праводзілі ператрус, прадставіліся, што яны з КДБ.

Бацька кажа, што апошнім часам Алесь не займаўся ніякай палітычнай дзейнасцю, ён распаўсюджваў кнігі, арганізоўваў выставы, іншыя імпрэзы, звязаныя выключна з прапагандай літаратуры. Таму ён не ўяўляе, за што сына маглі затрымаць.