Журналіста «Белсата» Віктара Ярашука затрымала міліцыя
22.03.2017 / 13:07
Больш за дзве з паловаю гадзіны ў пінскім ГАУС знаходзіцца Віктар Ярашук.
Жыхара Пінска, журналіста-фрылансера тэлеканала «Белсат» затрымалі а 10-й на вуліцы два чалавекі ў цывільным і прапанавалі яму прайсці ў будынак міліцыі нібыта для размовы.
Спадара Віктара пакінулі ў адным з кабінетаў, нейкай размовы з ім да гэтага часу ніхто так і не праводзіў. Пра акалічнасці свайго затрымання, неабходнасці знаходжання ў ГАУС Віктару Ярашуку не паведамляюць. Тэлефон журналіста ўключаны, размаўляць па ім не перашкаджаюць.