Dva mazyrčuki padazrajucca ŭ vyrabie dziciačaj parnahrafii
Žychary Mazyra — mužčyna 1971 hoda naradžeńnia i 27-hadovaja žančyna — padazrajucca va ŭciahvańni niepaŭnaletnich u vyrab materyjałaŭ i pradmietaŭ parnahrafičnaha charaktaru.
01.08.2008 / 09:49
Žychary Mazyra — mužčyna 1971 hoda naradžeńnia i 27-hadovaja žančyna — padazrajucca va ŭciahvańni niepaŭnaletnich u vyrab materyjałaŭ i pradmietaŭ parnahrafičnaha charaktaru.
Jak paviedamili va ŭpraŭleńni pa narkakantrolu i supraćdziejańni handlu ludźmi (UNiSHŁ) UUS Homielskaha abłvykankama, jany byli zatrymany 30 lipienia. Pa versii śledztva, z červienia 2006 hoda pa hety čas zatrymanyja ŭciahvali niepaŭnaletnich u antyhramadzkija pavodziny, źviazanyja z vyrabam parnahrafii. Na hety momant aperatyŭnikam udałosia ŭstanavić čatyroch paciarpiełych, troje ź jakich — dzieci va ŭzroście 6—8 hadoŭ. Supracoŭniki pravaachoŭnych orhanaŭ pracujuć nad ustanaŭleńniem asob inšych paciarpiełych i saŭdzielnikaŭ złačynnaj hrupy.
U dačynieńni da padazronych raspačata sprava pa č. 1 art. 173 Kryminalnaha kodeksa (uciahvańnie niepaŭnaletnich u antyhramadzkija pavodziny, źviazanyja z vyrabam materyjałaŭ i pradmietaŭ parnahrafičnaha charaktaru). Artykuł praduhledžvaje pakarańnie ŭ vyhladzie aryštu na termin da šaści miesiacaŭ abo pazbaŭleńnia voli na termin da troch hadoŭ. Pravodziacca ekspertyzy i pravierki, supracoŭniki UNiSHŁ vyśviatlajuć abstaviny ŭčynieńnia złač