U Biełarusi novyja Galaxy S8 buduć kaštavać ad $990 — daražej, čym u Zachodniaj Jeŭropie i Rasii

30.03.2017 / 11:05

Smartfony Galaxy S8 i Galaxy S8+ pačnuć pradavacca ŭ Biełarusi 28 krasavika — na tydzień paźniej za suśvietny start prodažaŭ, paviedamlaje TUT.BY. 

Fota: engadget.com

Aficyjny košt Galaxy S8 u Biełarusi składzie 1849 rubloŭ. Galaxy S8+ budzie kaštavać 1999 rubloŭ.

U Jeŭropie Galaxy S8 acanili ŭ 799 jeŭra (1617 rubloŭ pa biahučym kursie), Galaxy S8+ — u 899 jeŭra (1819 rubloŭ). U Rasiei za navinki daviadziecca addać 54 990 i 59 990 rasijskich rubloŭ adpaviedna (1810 i 1975 biełaruskich rubloŭ).

Va ŭsim śviecie pieradzamova na pryłady pačynajecca z 30 sakavika. Hłabalny start prodažaŭ Galaxy S8 i Galaxy S8+ pryznačany na 21 krasavika.

Prezientacyja novych fłahmanaŭ Samsung prajšła ŭčora. Abiedźvie pryłady atrymali korpusy sa škła i mietału z zakruhlenymi na manier papiarednich smartfonaŭ Galaxy Edge biezramkavymi dysplejami.