Sienat JEHU asudziŭ dziejańni ŭładaŭ Biełarusi ŭ Dzień voli

30.03.2017 / 19:48

30 sakavika padčas pasiedžańnia Sienata Jeŭrapiejskaha humanitarnaha ŭniviersiteta była adzinahałosna pryniata zajava z nahody niadaŭnich padziej u Biełarusi, havorycca na sajcie ŭniviersiteta. 

«Akademičnaja supolnaść Jeŭrapiejskaha humanitarnaha ŭniviersiteta (JEHU) vykazvaje kateharyčny pratest z nahody zatrymańnia i źbićcia padčas mirnych akcyj pratesta ŭ Minsku 25 sakavika 2017 hoda studenta bakałaŭrskaj prahramy JEHU i Univiersiteta Vitaŭta Vialikaha «Suśvietnaja palityka i ekanomika», aktyvista Mikałaja Dziadka i patrabuje ad biełaruskich uładaŭ jaho nieadkładnaha vyzvaleńnia.

Hetaksama my vykazvajem kateharyčny pratest u suviazi z brutalnym razhonam mirnych demanstracyj u Minsku, na padstavie čaho paciarpieli sotni ludziej, u tym liku studentki JEHU Anastasija Rańko (bakałaŭrskaja prahrama «Miedyja i kamunikacyja»), Darja Mackievič (prahrama «Mižnarodnaje prava i prav Jeŭrapiejskaha sajuza»), były vykładčyk JEHU, viadomy hramadzski dziejač Aleś Łahviniec, staršynia Biełaruskaha Doma pravoŭ čałavieka im. Barysa Zvozskaha ŭ Vilni Taćciana Raviaka i šmat inšych.

My vykazvajem ščyruju padtrymku svajakam i blizkim paciarpiełych u vyniku supraćpraŭnych dziejańniaŭ siłavych struktur Biełarusi i patrabujem nieadkładnaha vyzvaleńnia ŭsich, chto byŭ niespraviadliva zatrymany i asudžany».