Zamiest Łukašenki ŭ ZŠA palacić namieśnik ministra zamiežnych spraŭ
03.04.2017 / 13:08
Namieśnik ministra zamiežnych spraŭ Biełarusi Aleh Kraŭčanka budzie pradstaŭlać Biełaruś na pamiatnaj cyrymonii da stahoddzia ŭstupleńnia ZŠA ŭ Pieršuju suśvietnuju vajnu. Pra heta paviedamlaje BiełTA sa spasyłkaj na pres-sakratara MZS Dźmitryja Mirončyka.
Raniej Kamisija ZŠA pa praviadzieńni pamiatnych mierapryjemstvaŭ z nahody stahoddzia Pieršaj suśvietnaj vajny nakiravała zaprašeńnie biełaruskamu boku ŭziać udzieł u mižnarodnaj pamiatnaj cyrymonii «Achviarujučy ŭ imia svabody i miru».
«Respubliku Biełaruś na cyrymonii budzie pradstaŭlać namieśnik ministra zamiežnych spraŭ Aleh Kraŭčanka», — prainfarmavaŭ Dźmitryj Mirončyk.
Na cyrymoniju byŭ zaprošany i sam Alaksandr Łukašenka — jak kiraŭnik adnoj z krain, jakija byli ŭciahnutyja ŭ Pieršuju suśvietnuju vajnu.
Cyrymonija, pryśviečanaja stahoddziu ŭstupleńnia ZŠA ŭ Pieršuju suśvietnuju vajnu, projdzie 6 krasavika ŭ Kanzas-Sici, štat Misury.