Na Alimpijadu rušać tajfuny
Synoptyki na dzień cyrymonii adkryćcia Alimpijskich hulniaŭ pradkazvajuć Pekinu navalnicu z daždžom i papiaredžvajuć, što tajfuny mohuć sarvać spabornictvy ŭ inšych haradach.
05.08.2008 / 13:03
Synoptyki zrabili prahnoz nadvor’ia na dzień cyrymonii adkryćcia Alimpijskich hulniaŭ. Jany pradkazvajuć Pekinu navalnicu z daždžom i papiaredžvajuć, što tajfuny mohuć sarvać spabornictvy ŭ inšych haradach.
Arhanizatary nieadnakroć zajaŭlali, što doždž vyklikaje najbolšy niespakoj, tamu što ŭ cyrymonii adkryćcia biaruć udzieł bolš za 10 tysiač vykanaŭcaŭ, a pa zakančeńni čakajecca vialiki fajerverk.
Štormy mohuć udaryć pa Hankonhu j pieraškodzić spabornictvam pa konnym sporcie, jakija buduć prachodzić tut. Aproč taho, štormy mohuć parušyć častku alimpijskich futbolnych turniraŭ, asabliva sustrečy, zaplanavanyja ŭ prybiarežnym Šanchai.
Vysokapastaŭlenyja čynoŭniki z Pekinskaha metearalahičnaha biuro paćvierdzili, što na 8 žniŭnia prahnazujecca kiepskaje nadvor’ie. Pry hetym jany vykazvajuć spadzieŭ, što da viečarovaj cyrymonii nieba prajaśnicca.