Staršynia Partyi BNF aštrafavany na 1 150 rubloŭ
10.04.2017 / 11:18
U Zavodskim sudzie Minska 7 krasavika pačaŭsia razhlad administracyjnaj spravy ŭ dačynieńni da staršyni Partyi BNF Alaksieja Janukieviča. Razhledzieŭšy spravu ŭ adsutnaść abvinavačvanaha, sudździa Niakrasava vyjšła dla pryniaćcia rašeńnia, abviaščeńnie jakoha adniesła na ranicu 10 krasavika.
Siońnia byŭ ahučany vierdykt — štraf pamieram 50 bazavych vieličyniaŭ, maksimalny z praduhledžanych častkaj 3 artykuła 23.34 KAAP (ad 20 da 50 bazavych vieličyniaŭ). U materyjałach spravy zafiksavanyja try administracyjnyja pratakoły za ŭdzieł u abaronie Kurapataŭ.
Sam Alaksiej Janukievič u čas pracesu znachodzicca za miežami Biełarusi.
Raniej lidar Partyi BNF prapanavaŭ sudu pieranieści razhlad spravy na inšy dzień u suviazi sa słužbovaj vypravaj na mižnarodnuju kanfierencyju. Ale sudździa ŭ chadajnictvie admoviła. Naadvarot, zapatrabavała aformić jamu prymusovy pryvod na sudovaje pasiadžeńnie.