Baraćbit z ałkaholem rasstralaŭ ź pnieŭmatyki kampaniju amataraŭ piva
10.04.2017 / 15:00
24-hadovy žychar pasiołka Jeziaryšča (Haradocki rajon) vyrašyŭ advučyć moładź ad užyvańnia ałkaholu.
Padčas svajho znachodžańnia ŭ Haradku chłopiec zaŭvažyŭ kampaniju, jakaja kala adnaho z damoŭ pravodziła čas za raśpićciom piva. Jon zapatrabavaŭ, kab maładyja ludzi vylili śpirtnoje.
Samo saboj, zaklik nieviadomaha chłopca kampanija praihnaravała. Tady baraćbit z ałkaholem dastaŭ pnieŭmatyčny pistalet i zrabiŭ niekalki strełaŭ u adnaho z maładzionaŭ. U vyniku, małady mužčyna atrymaŭ niaznačnyja traŭmy, paviedamlaje pres-słužba Viciebskaha UUS.
U dačynieńni da taho, chto stralaŭ, rajonny adździeł Śledčaha kamiteta 7 krasavika pačaŭ kryminalnuju spravu. Chłopca vinavaciać u chulihanstvie, jamu pahražaje da 10 hadoŭ pazbaŭleńnia voli.