Следчыя: Юнак, які падарваўся ў Пецярбургу, сам вырабіў бомбу
15.04.2017 / 11:30
Малады чалавек, які атрымаў траўмы ад выбухной прылады ў чацвер у Санкт-Пецярбургу, вырабіў яе самастойна, паведамілі ў Следчым камітэце Расіі.
«З матэрыялаў крымінальнай справы вынікае, што непаўнагадовы з'яўляецца студэнтам першага курса адной з ВНУ Санкт-Пецярбурга. Захапляючыся хіміяй, ён, у прыватнасці, вырабіў самаробную выбухную прыладу», — гаворыцца ў заяве ведамства.
У кватэры маладога чалавека праведзены ператрус, дапытаныя відавочцы, сваякі і знаёмыя, паведамілі ў СКР.
Пацярпелы — юнак 1999 года нараджэння — знаходзіцца ў рэанімацыі, пагрозы яго жыццю няма, паведаміла днём раней віцэ-губернатар Пецярбурга Ганна Міцяніна. Паводле даных СМІ, яму адарвала руку.