Erdahan zajaviŭ ab płanach «nieadkładna» abmierkavać uviadzieńnie śmiarotnaha pakarańnia
17.04.2017 / 05:53
Reuters.com
Prezident Turcyi Redžep Erdahan zajaviŭ, što paśla refierendumu 16 krasavika, va ŭradzie krainy pačnuć razhladać pytańnie ab nieabchodnaści ŭviadzieńnia śmiarotnaha pakarańnia, pieradaje Reuters.
Padčas vystupu pierad žurnalistami ŭ svajoj prezidenckaj rezidencyi ŭ Ankary kiraŭnik dziaržavy adznačyŭ, što maje namier nieadkładna abmierkavać pytańnie ab viartańni ŭ kanstytucyju śmiarotnaha pakarańnia z premjer-ministram Binali Jyłdyrymam i staršynioj apazicyjnaj Partyi nacyjanalistyčnaha ruchu (PND) Deŭletam Bachčeli.
Reuters zaznačaje, što taki krok aznačaŭ by zhortvańnie pieramovaŭ ab členstvie Turcyi ŭ Jeŭrasajuzie, jakija kraina pravodzić z pačatku 2000-ch hadoŭ.
Erdahan dadaŭ, što mahčyma praviadzieńnie novaha refierendumu adnosna śmiarotnaha pakarańnia. Prezident nahadaŭ, što turecki narod akazaŭ supraciŭ padčas sproby putču ŭ lipieni 2016 hoda i «nie panios parazy».