Sakratar Rady biaśpieki Ukrainy aścierahajecca, što vojski Rasii zastanucca ŭ Biełarusi paśla vučeńniaŭ vosieńniu

20.04.2017 / 13:42

Sumiesnyja rasijska-biełaruskija vučeńni «Zachad-2017» mohuć być padrychtoŭkaj da nastupalnaj apieracyi suprać Ukrainy, zajaviŭ siońnia sakratar Rady pa nacyjanalnaj biaśpiecy i abaronie Ukrainy Alaksandr Turčynaŭ, jakoha cytuje 112.ua.

- Pry ich padrychtoŭcy da aktyŭnaj fazy «Zachad-2017», a jany pavinny adbycca ŭ vieraśni hetaha hoda, nielha vyklučać praviadzieńnia rasijskim bokam schavanych mierapryjemstvaŭ pa padrychtoŭcy da stratehičnaj nastupalnaj apieracyi. Jość surjoznyja padstavy mierkavać, što paśla aktyŭnaj fazy vučeńniaŭ rasijski vajskovy kantynhient moža zastacca ŭ Biełarusi, — zajaviŭ Turčynaŭ.

Vajennyja vučeńni «Zachad-2017» pamiž Rasijaj i Biełarussiu projduć z 14 pa 20 vieraśnia. Jany stanuć zaviaršalnym etapam sumiesnaj padrychtoŭki ŭzbrojenych sił dźviuch krain u hetym hodzie. Heta rehularnyja vučeńni, jakija prachodziać kožnyja dva hady pa čarzie.

Šerah ekśpiertaŭ vykazvali zaściarohi, padobnyja z tymi, pra jakija zajaviŭ Turčynaŭ. Hetyja acenki prakamientavali i Alaksandr Łukašenka, i ministr abarony Andrej Raŭkoŭ. Abodva padkreślili, što nijakaj pahrozy suvierenitetu vučeńni nie niasuć, a pierasoŭvańnie rasijskich vojskaŭ pa biełaruskaj terytoryi budzie całkam kantralavacca biełaruskim bokam, piša Tut.by.