Kubak Fiederacyi: biełaruskija tenisistki viaduć 2:1 u matčy z šviejcarskimi

23.04.2017 / 14:27

Na korcie «Čyžoŭka-Areny» siońnia zaviaršajecca paŭfinalny matč Kubka Fiederacyi Biełaruś - Šviejcaryja.

Spačatku na kort vyjšli pieršyja numary abiedźviuch kamand Alaksandra Sasnovič i Cimiea Bačynski. Biełaruska vydatna praviała startavuju partyju, vyjhraŭšy jaje ź likam 6: 2 pry dvuch brejkach. Druhi set prajšoŭ u bolš napružanaj baraćbie, Alaksandra vyjhravała 5: 3, ale sprava dajšła da taj-brejku, u jakim pośpiech apynułasia na baku Sasnovič - 7: 2. Lik u matčy staŭ 2: 1 na karyść biełaruskaj kamandy.

U druhim siońniašnim adzinočnym pajadynku Aryna Sabalenka zhulaje ź Viktoryjaj Hałubič. Paśla ich sustrečy projdzie parnaja hulnia, na jakuju ŭ biełarusak zajaŭleny Volha Havarcova i Viera Łapko, u šviejcarak - Marcina Chinhis i Bialinda Bienčyč.

U pieršy dzień spabornictvaŭ Alaksandra Sasnovič pieramahła Viktoryju Hałubič - 6: 3, 5: 7, 7: 5, Cimiea Bačynski vyjhrała ŭ Aryny Sabalenka - 6: 4, 7: 5.

BiełTA