Histaryčnaja pieramoha! Biełaruskija tenisistki navat biez Azaranki vyjšli ŭ finał Kubka Fiederacyi
23.04.2017 / 16:50
Aryna Sabalenka. Fota aficyjnaha sajta Kubka Fiederacyi.
Pa vynikach pajadynka Aryny Sabalenka i Viktoryi Hałubič padčas paŭfinalnaha matča Kubka Fiederacyi Biełaruś—Šviejcaryja ŭ Minsku lik staŭ 3:1 na karyść kamandy našaj krainy.
Biełaruskaja žanočaja zbornaja pa tenisie vychodzić u finał Kubka.
Aryna Sabalenka vyjhrała ŭ Viktoryi Hałubič dva sety z troch (6:3 2:6 6:4).
Siońnia biełaruski dvojčy pieramahli: raniej na korcie «Čyžoŭka-Areny» Alaksandra Sasnovič pieramahła Cimiea Bačynski.
U pieršy dzień spabornictvaŭ Alaksandra Sasnovič pieramahła Viktoryju Hałubič - 6: 3, 5: 7, 7: 5, Cimiea Bačynski vyjhrała ŭ Aryny Sabalenka - 6: 4, 7: 5.
№1 biełaruskaj zbornaj Viktoryja Azaranka prapuskaje siezon, bo nie tak daŭno stała mamaj.
Druhi paŭfinał adbyvajecca ŭ ZŠA, dzie zbornaja krainy prymaje dziejnych čempijonak — zbornuju Čechii. Kali pieramohuć amierykanki, finał Kubka Fiederacyi projdzie 11—12 listapada ŭ Minsku.