Minskaje «Dynama» skasavała kantrakt z Kievinam Łałandam

22.05.2017 / 20:11

Chakiejny kłub «Dynama-Minsk» skasavaŭ kantrakt z kanadcam Kievinam Łałandam, paviedamili ŭ pres-słužbie kamandy.

hcdinamo.by

«Pahadnieńnie z hałkipieram Kievinam Łałandam daterminova spynienaja pa inicyjatyvie kłuba. Hetaje rašeńnie ŭzhodnienaje z trenierskim štabam. Taksama jano źviazanaje z aptymizacyjaj biudžetu na nastupny siezon», — havorycca ŭ paviedamleńni.

Bramnik hulaŭ u minskim «Dynama» ŭ piaci siezonach (2011-2014, 2015/2016), a taksama ŭ dziaviatym siezonie KCHŁ (2016/2017). U siezonie 2014/2015 Łałand adłučyŭsia ŭ maskoŭski CSKA, ź jakim staŭ pieramožcam rehularnaha čempijanatu KCHŁ. U lutym 2012 hoda hulec pryniaŭ biełaruskaje hramadzianstva i vystupaŭ za nacyjanalnuju zbornuju.