Śmiarotnaja avaryja ŭ Novym Žyćci

Mašyna niekalki razoŭ pierakuliłasia, ź jaje vylecieli ŭsie, chto ŭ joj byŭ. Dva čałavieki zahinuli, adzin nie atrymaŭ nivodnaj drapiny

14.08.2008 / 11:23

U paniadziełak a hadzinie načy šumnaja kampanija maładych ludziejo ź vioski Budahova vyrašyła pahladzieć na Kurhan Słavy.

21‑hadovy chłopiec napadpitku, jakomu naležała mašyna «Saab», paprasiŭ svaju 18‑hadovuju susiedku sieści za styrno. Dziaŭčyna pahadziłasia, niahledziačy na toje, što ŭ jaje nie było pravoŭ kiroŭcy.

«La vioski Novaje Žyćcio Smalavickaha rajonu dziaŭčyna nie zaŭvažyła kruty pavarot, pajšła naŭprost i ŭrezałasia ŭ aharodžu, — raskazvaje načalnik ADAI Smalavickaha RAUS Valer Najdzienka. — Jana prataraniła aharodžu, a paśla vylecieła pad adchon.

Mašyna niekalki razoŭ pierakuliłasia, ź jaje vylecieli ŭsie, chto ŭ joj byŭ.

Dziaŭčyna‑kiroŭca zahinuła na miescy, jejny susied praź dźvie hadziny skanaŭ u balnicy.

«Bolš za ŭsich pašancavała 16‑hadovaj školnicy. U jaje niama nivodnaj drapiny, — praciahvaje spadar Valer. — Praŭda, dziaŭčyna jašče nie ačułasia ad šoku. Pavodle jejnych słoŭ, u mašynie ŭsie raśpivali śpirtnoje».

Pryčyny DTZ jašče nie vyśvietlenyja. Najchutčej, avaryja adbyłasia z‑za taho, što niavopytny kiroŭca pieravysiŭ chutkaść.

Pavodle: Kaciaryna Barysievič, «Komsomolskaja pravda» v Biełoruśsii»