U Rasii prapanavali štrafavać mietearołahaŭ za niedakładnyja prahnozy
05.06.2017 / 12:58
Kiraŭnik MNS Rasii Uładzimir Pučkoŭ prapanavaŭ ŭvieści materyjalnuju adkaznaść słužbovych asob terytaryjalnych padraździaleńniaŭ Rashidramietcentra za niedakładny i niesvoječasovy prahnoz nadvorja.
«Čas vypracavać ałharytm ekanamičnaj adkaznaści terytaryjalnych padraździaleńniaŭ Rashidramieta za niepacvierdžany prahnoz nadvorja», - skazaŭ Pučkoŭ na sielektarnaj naradzie ŭ MNS.
Pučkoŭ rastłumačyŭ, što «mienavita ekanamičny miechanizm adkaznaści kankretnych słužbovych asob, jakija rychtujuć prahnoz nadvorja, pavinien pracavać u hetaj sfiery».
29 maja ŭ Maskvie i Maskoŭskaj vobłaści prajšła bura, u vyniku jakoj zahinuli 16 čałaviek i dziesiatki paciarpieli.
Paśla bury vyśvietliłasia, što bolšaść žycharoŭ Maskvy i Padmaskoŭja nie atrymali SMS z papiaredžańniem ab bury. U MNS zajavili, što atrymalnikaŭ paviedamleńniaŭ vybirajuć mabilnyja apieratary. Sotavyja kampanii, u svaju čarhu, paviedamili, što paramietry rassyłki vyznačajucca ŭ MNS.